| Wesley-SDK-ヒロケン's profileSDK05 無救倉庫@msn 中文版PhotosBlogLists |  Tools  Help |
|
January 31 假如佐藤達廣學會.....在動畫及原作中.佐藤最後是因為抵受不了肉體的痛苦,即是肚餓
面對現實走出房間工作,搵錢開飯.可是這並不等於醫好了家裡蹲.
小說版佐藤仍選擇了兼職一段時間,儲點錢又家裡蹲.
蹲到沒錢又打工. 就像那些專做兼職之後去玩的人一樣麻.
假如佐藤學會「來者不拒,去者不追」,會否好一點呢.
你班粉人笑就笑飽佢啦,我佐藤大爺才懶理.
有事找本大爺?就辜且盡人事幫下你吧. 最少這樣他還可以正正常常在街上走吧. 去者不追上次測名遊戲一句「來者不拒,去者不追」,依句真係點中晒我既態度.
假如混合埋家裡蹲既心情,就更加係我既寫照.
做人不應該計較付出.那麼不如就當別人有求於你.就盡管滿足他們.
但當你想對他們有要求,往往就是得不到應有回應.
既然如此就不要向別人有那麼多要求吧.
向錯誤的人付出,向錯誤的人要求回應. 就是絕對的錯誤.
以「來者不拒,去者不追」的態度,不就可以解決問題嗎?
你可以有基本的尊重, 要走也不相干.我不會要求甚麼.
我很冷血嗎?我冷血就連理也不會理了. 女大18變我公司都算係一家大機構. 員工人數眾多,有女仔係好正常.
有個讀緊書的女仔一直係我地公司做Parttime 接待員.
一星期有一兩晚會出現. 負責的講座接待. 我係依間公司做冇耐之後佢就係度.我估應該係由F.5定F.6開始做起. 最初黎既時候仲係穿校服,一頭黑髮.簡單d講即係其貌不揚 之後日子過去, 開始慢慢時髦起黎, 即係個人愈來愈成熟.
今日落街食飯又見到, 真係要用愈大愈靚女形容.
女性化既服飾,微染的啡髮,果然打扮係功不可沒 值得一提既係,到現在為止,我都唔知佢叫乜水~
之後,有個平時辦公時間座鎮的Full Time,
斯斯文文戴眼鏡,又真係不錯的. 幾好笑容又NICE
不過我只知道佢叫乜英文名.
同埋講過幾句野噉大把,依家已經冇做了~
另外,今日交學費,前邊有件港女電話響, 佢二話不說拿起接聽就問候對方,又叫對方PK之類. 依度話晒學校OFFICE喎,妹妹仔....唉,又係港女. 式神3等了又等,斑鳩又未出,鬼泣4又要星期6, 講真,我覺得此GAME沒有如此決殺食的人設,
狐仙大人#6-我が家のお稲荷さま 6本書擺左幾個月終於有時間睇.三日睇完.
January 29 完讀《歡迎加入NHK！》文庫版老實講,有點失望,可能因為期望太高.
因為之前睇過TV版,加左好多支節內容. 但係原書...極之簡單.學姐之章一陣就飛左.山崎又係. 但是如果內容真如作者講有一半講緊自己的話,那是情有可原的.
怎可以叫家裡蹲寫家裡蹲小說還要好好睇呢.
我們每個人的背後都有NHK的陰謀.到底可以點去對抗呢?
同歸於盡? 很難耶....與其他人聯手對抗NHK?也很難唷.
即使你想,也不等於其他人願意呀.
家裡蹲的心情節錄:歡迎加入NHK!
我沒騙你!我是世界最猛的家裡蹲,我可以獨自生活,根本沒甚麼好痛苦的,所以你也別依賴別人,到頭來每個人都很孤單,獨處才是最好的.你不覺得是這樣嗎?每個人到最後都一定會落單,很自然而然的落單,只要能看破這一點,就沒甚麼事情值得厭惡了,所以我才會蹲在家裡,蹲在六塊榻榻米大的公寓--------
也就是說....也就是說我們啊,是因為寂寞才會蹲在家裡,因為不想嘗到更寂寞的滋味,所以才封閉自我.喏,你懂吧?這就是答案
我比任何人都貪心,我不想要不上不下的幸福,我不要有所侷限的溫暖,我想要永遠持續下去的幸福.但這是不可能的!我不知道為甚麼,但是只要在這世上,就一定會出現妨礙,迅速毀掉重要的事物----我已經活了二十二年,好歹知道這點道理,不管甚麼東西都會毀壞,所以一開始最好甚麼也別擁有. 願望是甚麼我已經俾2個人問過有咩願望, 我答:世界毀滅
老實講,我真係答唔出亦諗唔到. 願望依樣野.唔係你想就會實現. 決定左講出黎實現唔到又有咩用. 講出黎又會俾人叫你去努力實現. 大哥,叫得願望更係唔想付出就會實現架啦.
想有份好工?想有車有樓?想有女朋友?想世界和平?
好似都好難喎. 那麼世界毀滅呢? 好似易實現d喎.
人類基本上已經做緊,只係時間問題.
沒有人類,就沒有陰謀啦~ 嘩啦~嘩啦~
我真的沒有願望嗎?又不是,我的願望是想沒有願望.
這是永遠不可能的事呀! 樓上燒烤今天去旺角燒烤. 其實我一直都冇變. 只係有位入就入而已.
如果唔係就只有食食食. 我可以做甚麼呢. 表象,幻覺黎架咋. 毛巾蛋糕假如早一點收到的話,就可以「用」了呀~
January 28 空的汽水缶(3)終於睇完第3期,師傅幾晚睇晒頭兩期. 真係 OTZ... 今集開始叫認真,メロン那種心情. 到底怎樣才是對重要的人好啊?那麼面倒臭い就去死吧!
HAE過的一天今日起身,同屋企人食完野,之後自己出左老深. 歡迎加入NHK！文庫版歡迎加入NHK！文庫版
在semi break既少少時間,開turbo地要完成好多無謂事.
除左砌模型之外,就係睇埋借落買落的無救書.
小說中文版加上之前睇過tv版,睇得都幾快.用心應該3日內可以睇完.
我估大部份人都應該係去到山崎既水平,未到佐藤的級數吧.
我對山崎好有共嗚啊!!
January 27 人為甚麼會被其他人吸引呢？節錄：福音戰士EVANGELION ＃１１
真嗣：人為甚麼會被其他人吸引呢．
美里：我想是造物主的故意吧．反過來想，人這不完整的生物，無法單靠個體生存．但不管是否完整，仍是非得活下去不可．既然人是天生這樣，彼此追求及互相傷害也一定有其意義．我是這樣想．真正的戰鬥，攪不好現在才開始呀！
真嗣：夠了，這種話我不想再聽了． 只此一次的26歲現在是２００８年１月２７日 3:15am
我的人生又浪費了一年，又少了一年
為左慶祝依件偉大既盛事
今日又買左個雪芳蛋糕返黎同タマ姉一齊食． 或者我應該順應天命，做一隻閒雲野鶴，深山隱士．
假如唔係因為生計未來，真係乜撚野都唔鳩理就NHK一世．
就種種意味而言，我身邊有既野比一般人應該算多，但亦比一般人要算少． 敢到底依ｄ係唔係叫有得必有失呢？
Gundam包包 #16-這可是想定之外的情報耶（即係收視唔得，想定外要再投入３架高達乎？）
我自己；你自己完了，依套野唔係太差，不過都係果句
怪獸襲紐約末世凶煞,Cloverfield
依套片話上映之前包到密密實實,
因為實在都幾鳩下. 「本片使用創新手法拍攝,小心不適」. 即係...由開場到散場.都俾個video cam既視點你睇怪獸片.
又搖又fing, 唔暈你真係好勁.
頭當半粒鐘定9個字....你攪乜呀? 愛情真人show呀?你條pk唱夠我未先~
之後城市被襲, 自由神像都唔爬了,災難片乎?
大廈係敢俾怪獸掃底,哥斯拉? 又唔識噴火噴laser.
勇救女友深入廢墟,地鐵又遇到的仔仔怪獸, 異形?
咬中又唔變喪屍,攪錯呀! 救女友,爬大廈, die hard?
ending乜都冇, f18+b2炸炸炸, 坐heli睇戲? 爪底你班pk陪葬.
我不如返去睇哥斯拉啦,睇ID4好過啦. 最好睇,就係trailer果場自由神像頭而已 測名遊戲「來者不拒、去者不追」,怪不得!怪不得!
|
|
|
