今日收工去買衫,見到商場好多舖都仲係休息,街市仲可以休到初八.
有點想起細個一到農曆新年假出街就好似死城敢,
但近年已經唔多見依種現象,可能因為市度唔好.
不過今年不是更加唔好嗎? 初三見到官塘好多小販擺檔.
又想起經濟唔好先多人擺小販檔.到底邊樣係真呢?

一個星期冇睇香港新聞,結果都係膠事一堆堆.
煙火?求籤? 四川撥款? 金融危機第二波? oh well..
君不須防人不肖、眼前鬼卒皆為妖、秦王徒把長城築、禍去禍來因自招。
上年的一支好似話解咩香港已經谷底,冇得再衰定甚麼的. 那麼今年?

最後的一天,特別在於今日係我生日.第一次係日本過.但同樣係唔開心.
只不過都係一個人在東京既新宿頹過. 想起白先勇的名作:寂寞的XX歲+10.

係羽田晚機走,下午超無聊過新宿換左張東橫卡先.
之後係西口HAE, 食食下面有SMS到,原來係某人.
果D人地生日例收到既短訊, 我好有HEART地回覆.
句句真心. 唔信就算啦. 一陣又話我俾D負能量佢.

另一方面,話說一早CHECKOUT左就買定巴士飛.
不過大財主又係麻叉煩,依樣果樣不在話下.
買左巴士飛,自己又遲到,巴士都唔等得你敢多.
依度唔係香港,唔係你想點就點,人地講準時的.
到左機場又係度大牌,敢大支野就自己轉頭等啦.
洗乜同我地逼經濟位. 有辱國體就係依D大財主既氣焰.
不知所謂. 今日基本上成日一句野都冇佢講過.
佢話乜就乜囉,費時挑戰權威啦,中國人社會邊有咩言論自由.
所以我今日學識左日本人最拿手的營業微笑.費事又得罪老細,
俗語說:講多錯多,心胸窄兼更年期的大財主更甚.

以下開始三角MODE,
我以前係講過你地唔想生個敢既仔, 一個性格行為唔如你地所願的兒子.
但你別忘記我有一半DNA係你送的. 今日既我亦有一半係你一手攪出黎.
我同你既性格係兩極,你永遠唔會明白我既思維方式.
所以行埋講多幾句野只會嘈,一係就服從命令,唔對等就冇衝突.
由訂位到出發到番歸,.10樣有6-7樣關你事既就攪到一鑊泡,
你認為隻腐妹真係玩得夠本同敗家敗得開心咩?算狗數啦.
要舊錢自己去仲好過. 所謂的家族旅行真係冇下次.

今日原本預定都係秋葉原,因為最後2日所以要敗家.
不過去之前突然想起要去一去舞浜,因為ZEGAPAIN的關係.
之後坐山手線去東京,再轉京葉線去舞浜,原來係迪迪尼旁邊.
唔出閘映左幾張相就走,過隔離站的葛西臨海公園.

個公園都幾大下,有摩天輪,海邊仲有沙灘
好彩既係,公園剛好有水仙花展,果D水仙花正正就係伊豆爪木崎果D.
好野,睇番冇睇到水仙花,雖則唔係伊豆,不過D水仙花香味隨風撲鼻,真係好正.
再行出D去到海邊,有兩個唔知中學生定高中生男女黎散步定談心.
仲有學校的唔知乜隊係沙灘練跑. 行番入樹林,有唔少雀.仲有隻貓.
今次訓街總算有少少生態記錄收獲.

黃昏返到秋葉原,左搵右搵都唔多見Blu-ray既PV碟.想整隻返公司做試機碟都唔得.
有好仲乎想敗與唔想敗的東東,但因為今次要睇大財主面色,都係無謂敗得太盡.
敗左本みつみ画集,仲有幾本JJ漫同一般漫就算. 之後係CURE MAID CAFE磨左一陣,
最後同腐妹與財主等人會合.食飯之後返酒店,途中再推隻腐妹入老虎洞,全力地敗家.
係時間執定野準備明天CHECK OUT.

回到東京,今日係星期日,冇咩好做就直接去秋葉原先.
之後係GIGO磨左成日,不斷俾架仔輪. 5.66隻巴巴太耐冇玩.
就係人地係自己面前果一秒出唔到光速LASER就俾人趙死.
FORCE全程只係用過巴巴A張卡,30次新卡打晒...打飽打醉回酒店訓.
原來對戰過的金E1係全國有名的猛者,俾人完全姦住黎殺都抵番.

今日係最後一日係伊豆下田,食左個超豪的早餐,睇埋KERORO就CHECKOUT.
因為前2日的教訓,決定唔帶兩位婦孺去行山. 掉低佢地係下田去爪木崎睇水仙花.
我自己過去河津再坐巴士去河津七滝同淨蓮之滝, 好在依個決定係正確,
時間超緊迫, 先去河津七滝上游行番落黎,之後去天城的淨蓮之滝.
的石級既高低差幾係野,拖住果兩條友行的話行2個鐘都可能行唔晒.
不過的瀑布真係幾靚,的水幾清下,日本二級河川的水質就係敢,但有的相映到錯WB偏藍...
下午飯冇時間食,想試下間七滝茶居既士多卑利三味SET都冇時間.
睇怕都未必有下次,夾好時間再坐巴去埋淨蓮之滝,睇完映完相又剛好有車返河津.
結果只夠時間買豬肉饅頭填肚,成日就係靠支寶哥液. 返到河津仲有少少時間.
去埋海邊映張相,吹下得4度左右既海風,仲有條友好優悠地釣魚. 再去食碗拉面.
班特急車又到, 上車回東京.

返到去成8點幾,屋企位大財主話食河豚.去左新宿一間食河豚的餐廳,
條友左攪右攪,點野又要賴醒扮勁係度これこれ.
我又唔多熟的野食既日文都費事出聲,之後結果大財主又係問人拿中文餐牌.
返去車站,好心指條好行少少既路.佢又唔制,要係條小港左穿右插同人逼,
我地就拖住的行李,唔聽就算, 你想點行就點行啦,財主大人. 反正都去到目的地.
仲好話我窒佢,挑那星.

今日離開山頂旅館就放低行李係LOCKER,去一碧湖先.
行左半個圈,係度打雀,之後轉去大室山.
本來打算上山頂,不過天氣唔好,超大霧.
結果轉去對面的仙人掌公園.
的動物有D係放出黎養,係個園內四處走.有猴類同孔雀,
幾得意下,又有的可以俾人行到好近,好似的鴨、雀、鶴類,
完全唔怕人敢滯.

之後本來想去貓博物館,但時間唔夠,只有放棄...
最後早點坐車去下田,住豪的溫泉旅館,可是中途出現天氣好轉.
海邊開始見到藍天,一直飄過黎,但都趕唔切去到大室山.
落番車站就見到一陣藍天,吹漲呀!我依一下完全感受到島國天氣變化.

去到下田,天氣仍然OK,去到溫泉旅館,對正海邊的.超靚.超正.
仲有小小的私人風呂向海.激正. 走落海邊怒映相, 返去浸一陣大浴場之後開飯,
超正的晚餐,鮮鮑魚、金目鯛、魚生等. 好飽好好味!  真係冇訂錯地方.
食完飯HEA一陣,試下個私人風呂,雖然向海好似好冷,不過的水超熱.
浸入去完全唔冷. 更重要既係,因為開始藍天,夜晚冇雲.
加上方位似乎對正南方,睇到好多星星, 可以一路浸一路睇星添.爽爆!
微妙既係,當我發呆望其中一粒星時,眼尾明顯有粒野係天空飛過.
到底係雀,定係流星?完全唔清楚. 但我有冇敢好彩見到流星呀?
其實依度真係一個同女朋友/愛人黎HAE既好地方,
樓下有海灘,樓上有溫泉, 可惜!可惜....

今日映左400幾張相, 2.3GB.

今日食完早餐就去坐車過伊豆, 買左PASS.
坐特急舞子號去, 不過要先逼山手線去東京站.
同行的兩位好似大鄉理,話的架仔係敢逼入黎.
我話:好過HK的PK棟係門附近唔行入去中間啦.

之後去到東京轉舞子號,對面上方月台係新幹線到站.
勉強映到車頭. 之後坐左2粒鐘終於到伊豆高原.
伊豆急行單軌,的車班次疏到嘔,之後去景點就痛苦
放低行李係LOCKER,之後立即去城ヶ崎海岸.
打算睇吊橋同燈塔,可惜我超黑仔.去到東京當晚已經落雨
黎到伊豆都係,落住的毛毛雨就一路沿住海邊山崖的遊步道行.
最終都成功行得晒條路,映到崖邊同燈塔,仲有路過的松鼠.
不過部機就係敢俾雨水滴,好怕攪唔干日後會生真菌...
回程因為準備不足,行大運又花多左車錢,
不過最後都成功返到訂的山邊望海西式小酒店(其實似民宿多).
招乎我地個阿叔成個史拔堡LOOK敢. 晚餐係豐富的牛排.
有晒前菜甜品COFFEE, 個住價都OK抵其實, 可惜天氣唔好
幾乎望唔到個海,全日都係雲,不過佢有個露天風呂,
落住雨浸,雨水打落個屋頂滴滴聲又係另一種感覺.

選完科之後幾粒鐘飛去機場坐下午JAL出發.
多數係2009年第一次亦是最後一次訓街.
7日6 夜東京伊豆之旅.為左今次既訓街.可以話盡地一煲.
訂左溫泉旅館,同埋換左支EFS-17-55 F2.8 IS USM.
雖然超甘,不過後往後的旅程證明係值的,

第一日到東京先訓一晚. 係池袋住. 主要都係因為要方便屋企人...
掉低晒的野已經近10點,係飛機食左餐都好似冇食過敢.又肚餓.
即刻飛落車站攪左去伊豆的車飛.之後去左食「得得」拉面.
設返去執定野就訓. 間野又冇免費網上, CHEAP到爆. 住東橫好過啦.

我不知那人是否知道我點諗.或者故意疏遠我/以為我疏遠佢.
不過,依家我只係做番以往的我, 沒有改變. 跟之前好一段時間比係2回事.
回到更早的狀態,用電腦術語講即係系統還原. 所以無閒去想.
有時間陪下屋頂人,進修下,玩下樂器,同多樂貓玩咪幾好.
雖然我冇咩叻,不過我曾經欣賞過的人,一定唔差得去邊.
唔知佢有冇記得我n世紀前講過,唔係到今時今日先有其他人話佢知.
佢唔係敢差敢渣.

夢會醒的,我再發另一個去.伊豆溫泉之夢~

終於又攀到車邊,可以去訓街.伊豆~我黎啦~
其實去伊豆既念頭,係從上年睇左某網的DSLR新機試相開始,
之後10月已經好想去,可惜時間唔arm,聖誕前後又想去.
又冇經費, 今次攀到車邊同屋企人去真係好彩.
2008年積落既唔開心同怨念,希望今次可以清一清.

東京對我黎講只係敗家同埋遠征火星戰線既地方.
去左2-3次已經冇咩景點想去. 不如去的外圍地方.
之前去過京阪神、涵館、松本、木崎湖、鐮倉
其他果d九州、廣島、四國、中部、青森都好想去下.
但做人應該努力一點,自己攪掂不求人,就去邊都得啦.

靚既風景大陸都有,點解係要去日本?
因為日本有現代化同清潔感,又keep到對自然同傳統既保存尊重
而且的人既國民教育都唔同啦.就算係假既,都假得開心d.
最少,我俾1000yen俾得甘心過俾100蚊人仔囉.

まりあ†ほりっく

(偽百合 + 真百合 + 後宮) x 新房監督 = 笑死 . 
*註:這是男主角.

現實中男扮女裝不是沒有, 有些真係扮完唔詳細睇係睇唔出.
世界就是不公平的啦, 因為我們不是單細胞兼無性繁殖的物種.
所以人類世界先有敢多幻想同妄想,最後變成扭曲既現實.
男同女既體形都相差幾大, 要扮得好睇順眼唔係容易.由頭笠到腳的公仔衫例外.

部450d一直沒有標準鏡,都係問人借的.
長此唔係辦法,左度右度,
一係a16,一係式馬17-70,一係efs 17-55 f2.8.
17-55 f2.8係好很貴,要貴成倍. 不過有usm同is.
17-40 L鏡都平過佢, 唔打算用全片幅機的話依支應該係最好.
實在太貴,好貴,超貴,過晒預算. 唯有硬頭皮搵後援. 最後都敗左.
支野既重量同24-105差無幾. 都唔機動得去邊. 17-85 is的確係輕.
旅行用真的不錯. 不過俾網友放左好多毒,又睇左好多review. 死就死啦.

PERFECT!?
還很遙遠.

素組接近完成, 2008砌到2009年.
男人的浪漫!

今日我係地鐵車箱見到某位youtube既紅人.
就係果位專唱改歌仔既「大隻佬」.
因為我認得佢個額頭同隻手瓜 = =;

好大隻laser碟. 膊頭的關節不夠力添.

今個sem又隨考試完結,真係應驗一句話,「愈讀愈頹」的感覺.
有人話今個sem一係頹到傻,一係忙到嘔.  完全正確.
上左既堂,好似冇上敢, 考完個final,好似乜都唔上腦的.
可能因為實務野多. 下個sem唔知點死.
今個sem有的科對合格冇咩信心...

黎緊既傷心大日子,應該唔會係度獻世.
依家我要砌好尼隻巴巴同準備訓街. 以上

正月,即係1月啦,日本神道教既神社會有祭祀,類似我地既農曆.
求天神保佑果d啦, 基本上係神社做打雜既女性就係巫女.
諗起正月就諗起巫女,唔通諗起宮司(類似神社話事負責祭祀既人)咩.

正．月．真．好～

31日晚上收工,一個人落左銅鑼灣sogo,幾本想敗的日版漫畫出左,但冇買.
想係超市買鏡餅(日本年榚)又冇,見到有日式即燒原隻帶子賣,
不過想起係涵館食過的大大舊新鮮野,依d敢細隻既急凍野就算數吧啦,
之後食野唔知食咩好,想食吉吉又超多人,最後去左食888拉面,
食完遊左一陣街,座車回家,下車已經是2009年.

收到2個例牌的sms. 其實我覺得依d野都係打完一個就成個電話簿既人send晒出去.
冇咩heart,所以我基本上唔會做. 如果有人曾經收過我既節日sms,那是我有心打的.
如果有弦外之音的話, 那麼你可能升級了. 因為我是水瓶座.