| Wesley-SDK-ヒロケン's profileSDK05 無救倉庫@msn 中文版PhotosBlogLists |  Tools  Help |
|
November 30 安祥訓覺有妙法每晚上床之前睇一集ARIA 系列,.包好訓冇煩惱. 終於都要搬的figure要擺出廳. 其實真係好唔想放野出去,好有危機,不過我間房真係就爆啦.
尋根究底今日搭車,邊聽00邊思覺,我終於明白,點解我對其他人敢有保留,
其實我只係對其他人冇安全感/信任感,同埋對自己既存在冇信心.
係冇人既時候先覺得最relax同埋隨心,只不過是因為有其他人在的話.
自己好多野都要百般考慮先可以做,又要向人負責. 又怕別人唔高興.
我喜歡我行我素,但又時不時會思考到底人地會點睇我.
我行我素冇錯, 但影響到人地唔方便就錯.(家訓?) 非常矛盾.
我對別人能否包容同明白我感到疑問. 於是就不如乜都唔好做.
另一方面,對自身能力亦好懷疑,除左玩電腦叫"好少少".
書又唔係讀得好,仲有咩技能?有咩selling point可以係社會生存?
我成日都覺得一切只係碌番黎. 總有一天會碌完.到時又點呢?
好多人見到的人敢諗野就會屌,反問你知道自己唔掂仲唔改.
到時仆直都係抵你死. 即係回應我果句, 我對你冇信任感. November 28 高達包包二期#8-我對公式地將男角女體化絕望啦! innovator屈機呀!
ARIA the origination vol.6乙女だ。藍華ちゃん萌え～
睇左2期半,最萌都係今集. November 26 沒話可說我明白到,咩叫話不投機半句多.又或者係咩叫言語的技巧.
其實由以前到依家犯既錯都係,與其他人難以建立公事以外既溝通.
於是好多人唔知我到底諗乜或者想點.
當稍為放開一點嘗試去打關係既時候. 人地又覺得你做既野好普通.
不以為然,於是人地係唔會分得到你到底當佢朋友定係甚麼.
依個時候,做野又唔湯唔水,態度又唔夠明確. 結果就係冇結果.
我相信係時候結束無謂既掙扎與煩惱.
或者下次有機會見的話,我會分享下心路歷程吧.
假如有下次,我不應也不能再如斯表現.
前路哪怕遠祗要自強我繼續獨自尋路向
常為以往夢想發狂耐心摸索路途上 懷自信我永不怕夜航到困倦我自彈自唱 掌聲我向夢想裡尋儘管一切是狂想 祝君安好. 締結良緣 November 23 思覺人間卡新 #8的分鏡真係好有風格,成套片的文戲好似係一張張靜態畫敢, November 22 金融海嘯,銀行怕死亂cut卡[本報訊]金融海嘯,令銀行成為驚弓之鳥,銀行為求自保,收緊信貸批核實屬合理.不過,有銀行卻出現「有殺錯,冇放過」的現象,在沒有足夠透明度及處理步驟之下,胡亂取消客戶的信貸服務,對小市民並不公平. 金融海嘯,銀行為免進一步增加壞帳風險,進一步收緊客戶的信貸批核.與此同時,亦對現有客戶作出內部風險評估,一旦被認為風險過高,其信貸服務便被即時中止,並要求客戶清繳債務.然而,各銀行的內部風險評估如何界定及執行,卻又屬於商業機密,不會向外透露,一般而言,是按照客戶的借貸、簽帳及現金透支與還款狀態等而定,即使客戶要求解釋,銀行方面亦可拒絕回答. 從事銀行信貸業務多年的王先生表示,銀行對於信貸評估被評為高風險的客戶,希望減低風險時,一般採用二種做法:一是先向客戶查詢是否財務方面出現問題,視情況作出合理安排,例如:降低信用額等,甚至暫停客戶現有的信貸活動,如貸款、信用卡等,並要求客戶清繳部分或所有款項後,再恢復服務.二是中止客戶的信貸服務,要求即時清繳債務.不過,暫停與中止信貸服務,卻存在天壤之別. 現時,每位在本港有使用銀行信貸服務的客戶,均會擁有一分個人信貸記錄.可供有關機構要求查閱,作為信貸批核的考慮因素. 若客戶曾經有欠債,被中止信用卡服務、甚至破產等事件,將會一概記錄在此.但記錄只會顯示有關事件曾發生,並不會有詳細解釋原因. 將來其他金融機構提供服務時,會參考記錄作出調整.可想而知,一旦客戶有曾被中止信用卡服務等記錄,對日後的個人信貸信譽定必有負面影響. 本報收到一名讀者投訴,表示有某大本地銀行懷疑在對客戶進行風險評估時處理不當,除了令該客戶被中止所有信用卡服務,需繳清債項之餘,更令其個人信貸記錄受到不必要的負面影響.讀者6343(化名)表示,其持有的銀行信用卡突然被中止,銀行在此前沒有作出任何書面或口頭通知,以及任何有關對其個人財務狀況的查詢. 讀者向發卡中心幾經查詢,梁姓負責人表示此乃按照內部程序進行之結果,並表示讀者使用現金透支的次數及金額較大,存有風險而作出有關決定. 讀者向本報記者展示銀行月結單,銀行只發出一封電腦印製的月結單信件,內裡僅以數行文字表示戶口已被取消,要求客戶還款,如不細心閱讀根本難以察覺,令人以為只是例行的月結單據。另一方面,讀者6343的月結單顯示,過去月內曾有多次大額現金透支.而於上個月因透支出現的結欠,亦已按時繳清,並無拖欠或僅繳交最低還款額,而本月的還款日尚未到期. 讀者向銀行查詢,所獲回應是銀行不鼓勵客人現金透支,並有機會影響內部評估,惟至今為止,讀者6343表示未曾收過銀行任何通知有關現金透支的使用限制或其他建議. 認為銀行「官字兩個口」. 「你唔建議人用現金透支係你既事,你俾得額我用,我點用關你咩事?冇錢還咩我?」 「你話有風險要降低,降低都唔係即時cut人卡架?」 「我唔明白用得多透支就要即時cut我卡係咩理由.唔可以減信用額咩?唔可以凍結先咩?」 「依家你覺得我冇力還錢就cut我卡,你有冇搵過我查清楚我係唔係冇錢還就高風險?」 「既然我符合你地銀行發卡條款用卡又按時還錢,你都可以聲都唔聲就cut晒佢,仲有咩信貸服務可言?條款有限唔俾用透支架?」 「如果唔係你地內部操作有問題,即係我用你地既卡透支就係我錯啦?」 讀者稱對銀行不聞不問而作出單方面行動極為不滿,除了打亂其財務安排,更加影響其日後之信貸記錄,對其所謂的內部風險評估部門如何處理客戶個案抱有嚴重疑問.向銀行質詢亦不獲滿意解釋. 要求銀行作出回應及跟進,並不排除以法律途徑追究是否有人要負責. 無能定係無心有冇人可以話俾我知,到底係我廢,定係我做得唔徹底呢? November 21 想點我習慣左乜野都收埋,所有重要野唔會擺出廳.
所有秘密同唔見得光既野都收埋,包括情感.
但其實我咩心情,正常人一眼就睇得出.只不過係未必知點解.
不過據以往經驗,又似乎真係好多人其實唔知我真正想點.
當我突然話想點就會令人嚇一跳.
敢到底係我夠深沉,定係人地太渣估我唔到? 又有繪馬
如果有人去日本,千萬唔好買野食俾我,買神社牌就夠. November 18 優雅的企法
昨日搭車返工,見到有位女乘客個企姿好似有點不同,再睇真下, November 17 離開模式或者這個只是王傑的一句歌詞, 「可能 雙方忖惻太多」.
今天上線的15分鐘,她都沒有提及過身體不舒服.
我留下那句略帶暗意的句子,對話已完結.
如果是這樣,那麼那位特定人選早已從其他方法知道她病了而又有上線.
只是沒有滿足到她的期望及暗示, 「保持離開」而已.
我不是她的特定人選.所以我不知道她病了.
即使如此,就算我知道了又怎樣?立即打電話給她嗎?
我真的很少打電話給別人, 這是早知的壞習慣,自己犯下的錯.
即使幾行好像冷冰冰的文字,似乎怎樣也不及一把話筒裡感覺冷漠的聲線? 很久之前曾經有一次我也重感冒軟攤在床,全身乏力頭重重.
那一刻我也想起了她.可是那又可以怎樣?告訴她我病了?
最後知道的當然只有老母大人. 期許太多,工夫太少,結果我甚麼也沒有. 面書與回憶其實,我個面書一直都係開左黎放置,都係為左add埋以前既朋友同事有個record
最近心血來潮,add埋小學group入去睇下有冇可能見得番的同學仔.
又竟然好彩最近有update到, 於是日日都有一種淡淡既期待,
到底仲可唔可以add得番大部分. 又好想知道大家升中,大學畢業之後
依家出黎做野之後點. 有d同學仔仲結埋婚,依個年頭,我既年紀仲要已婚,真係買少見少啦.
其實,小學畢業果陣我俾記念冊人地寫時已經同人講,留真地址電話.
不過印象中都係有人報假案, 雖然果陣我平時都似係玩玩下既人.
去到依種場合,我就梗係唔係玩. 即使上到中學畢業,又做同一樣野.
我都係俾晒成班同學寫, 即使有部分平時真係同我冇咩兩句.
依的真係回憶, 即使以後冇機會再見,都係回憶.
回憶細個既自己到底有幾天真有幾傻.
小學既我去左邊呢?學生時代既朋友好多時都係一世既朋友,
即使未必係持續到落去, 永遠都係比出黎社會後識既朋友有點區別. November 16 誰能明白我 - 林子祥曲︰林子祥
詞︰鄭國江 昂然踏著前路去追趕理想旅途上 前行步步懷自信風吹雨打不退讓 無論我去到哪方心裡夢想不變樣 是新生是醒覺夢想永遠在世上 前路哪怕遠祗要自強我繼續獨自尋路向 常為以往夢想發狂耐心摸索路途上 ＊懷自信我永不怕夜航到困倦我自彈自唱 掌聲我向夢想裡尋儘管一切是狂想 途人路上回望我祗因我的怪模樣 途人誰能明白我今天眼睛多雪亮 人是各有各理想奔向目標不退讓 用歌聲用歡笑來搏知音的讚賞 重唱＊ 昂然踏著前路去追趕理想旅途上 前行步步懷自信依照心中那正確方向 懷著愛與恕的心充滿夢想的笑匠 用歌聲用歡笑來搏知音的讚賞 (x2) 焼酎賀堡誕
今日堡誕之喜,加上眾人日本永劫回歸.齊齊去左魚1丁. |
|
|
