今年變化認真大, 由好頹變番正常, 由比較宅變冇敢宅,由好HAE變好忙.
由「未畢業」變「想畢業」,由冇野講變講少少, 好多唔做既野都做左.

其實好多野都逼到埋身,但唔做就會「車毀人亡」,唯有頂硬上過得到自己.
有D野已經比人遲,連相若既水平都達唔到,我真係會有D覺得羞愧.

其實我準備好未?似乎又未,但改變方案似乎已經逐步落實.
2012年有冇真畢業唔敢講,至少冇原地踏步,冇翻叮先.

不經不覺大半個月冇打過BLOG,因為生活逼人,功課實在太忙.
1月前有幾個大PORJECT要交,一份RESEARCH連報告,一份PAPER,
一段半粒鐘綜藝節目,一段20分鐘大型記錄片,一段5分鐘小型記錄片,
一個沉重的大江大海1949讀書報告+製作大綱.

只係睇上文表述似乎唔多,問題係有3舊都要拍片,加埋剪既時間,
我仲邊有敢多時間呢? 鏡前5分鐘,鏡後可以係10倍,100倍既製作時間...

我12月可以話係DIE HARD兼修羅場MODE...
難得心情回恢,唔好敢快又打沉我丫,Final Yr都唔洗敢呱.

萬聖節又到. 到底來到了科學時代,萬聖節還有甚麼意義呢?我認為有3點
1.傳統文化的尊重, 2.資本消費主義, 3.逃避理性
1與2不難明白,暫且不談. 那麼3又如何呢?

我今晚跟朋友到中環感受一下節日氣氛.不少人都打扮得極具心思.
當然,有些會是比較另類,或者是超越平常的性感之類.
為何一年之中,只有萬聖節才可以作這樣的打扮呢?在街上走著走著,
起初我是不明白的. 之後跟朋友到某名酒吧見識一番.有了另一種體會.
在強勁音樂與昏暗燈光之下,加上煙霧迷漫的舞池. 人人都打扮得與平常不一樣.
仿佛自己化身成象徵邪惡無道的幽靈一般. 幽靈是無主,沒規則,不定的象徵.
某程度上來說,即是沒有理性,不知道自己仍在人世游離,或者只會被原始欲望驅使.
雖然相傳是古人扮鬼為了讓幽靈分辨不到對方是人是鬼. 但來到了現代社會.
扮鬼只不過變成了一種"儀式",就像電影的"變形"一樣, 將人變成非人.
試圖將人類的理性思維暫時關閉. 打扮成鬼或是其他角色.我們潛意識可以暫時放下日常的"自我"
做平常受理性限制而不太做,不敢做的事. 簡單一點來說. 就是滿足原始欲望.
人的原始欲望不外乎食色玩, 放膽地玩,痛快地玩. 那種酒吧的氣氛像麻藥一樣,令人理性麻痺.
男的想找美眉風流,女的想找帥哥快活, 最簡單的就是身體語言吧.
碰巧又是可以扮鬼扮馬的日子,何不來一個"大解放"呢?
我必須承認,在街上見到很多很多超性感的美眉. 但她們怎樣想我就不知道了.
也許我不是那種可以隨便讓自己失去理性的人,看到這種現象實在很有趣.亦不投入,甚至會窒息.
當然,理性的人也有其玩樂方式. 但這又是後話了.

大江大海係半強逼半想睇之下買左, 其他果D呢..自發既.

這是10月中旬發生的事...出智慧齒冇去檢查.一個不留心就斷送左一隻健康的大牙...唉,一生的教訓.