好耐沒有鳩畫過.今年最後一次.
畫技是有改進,但還是太鳩了.
這種披真人穿的不錯,感覺高雅.

每個人的生活都不一樣,因此我們得到的東西亦不同.
別人得到的,我也許得不到,得到也不一定一樣,畢竟人生不是商品.
花了時間與心機,所得到的是甚麼? 大家花的對象及程度也不同.
所以我們永遠也不會得到與別人完全相同的東西.
即使是商品也有個體差,只是大家相似的地方有很多,
沒有東西是完全一樣的.完全一樣就不是兩個東西了.
我也許有別人沒有的東西,別人也許有我沒有的東西,
我擁有的會帶來別人沒有的,反之別人擁有的會帶來我沒有的.
今天的我是這樣走過來,其實我也不知道為何會這樣.

明天我會往哪裡去?

感覺上根本沒有甚麼大事.

-去左台灣睇總統大選,現場見證小馬當選.
-去左台灣hae遊,之後成年沒有再出過埠.
-愈來愈多思覺, 世界真是扭曲.(可是沒有天人組織同高達)
-完全冇溫書去考日能試2級,成績要2009年先知.但唔睇好.
-換左單鏡反光相機,部Powershot G2可以退役.但要供2年,愛上映樓下的雀.
-拍左套超爛片功課,自己都覺得慚愧.
-FACEBOOK搵番好多小學同學.
-睇左蘇菲的世界,覺得哲學好有趣,另外睇左幾本連續刊的日文輕小說.
-沒有結果的思念,雖曾嘗試走出一步,但可惜太愚昧,徹底放棄.
-因為以上,重新認識自己,愈來愈了解自己到底乜野一回事.
-輕微的改變,真的十分輕微.有人重新認識我(應該係吧),有人都係唔識我.
-完全明白咩叫人夾人、物以類聚、相處的緣份、話不投機半句多.
-RAIDEN出左1/100模型,重點係買完即刻砌,好耐冇試過.

2009年會點我唔知,我做人冇咩遠大目的.2008年好多「change」既口號.
美國change, 台灣change,大陸都話change,點解香港又唔change?我可以change嗎?

冇野講,型爆,不過唔半蹲敢企就冇左重型機既逼力.
成條柱棟係度既巴巴係唔型的.
可惜今日已經用晒d精力係條手臂同火箭砲.
武器手同laser碟明天再算. 另一方面,的黑位都幾大問題.
有排油...唔通要用傳說中既神技:黑色水筆?

一晚可以完成一條手臂已經係極限.

的件太細,磨得好辛苦,對手好痺....

感動. 巴巴reverse convert緊!!
最少也要企得像KATOKI風格.

雖則只係3隻碟既總集篇.我拖左好耐都冇開黎睇.
果然SEED DESTINY的編劇係垃圾.
或者福田有骨氣少少的話,
等路人真做到底可能係好事唔定.

對壽屋的關節本來就不要抱太高期望啦.

給自己的聖誕快樂.明年的聖誕節會繼續吧.

總共用左2晚+2個下午,高達的話都已經砌左一半啦.

-下午落街食左個車仔面.
-砌好巴巴下半身.
-睇左seed總集篇2隻碟.
-晚餐係丁丁飯.
-收到一個例牌sms.

繼上年開始,今年又係自閉地渡過.其實我唔想敢,不過又可以點.
我係其他人眼中唔見得特別有分量. 要出街玩的話都唔係搵我先.
調轉頭, 我又可以搵咩人一齊出去同人逼?
斤兩唔同,唔係先到先得既話都唔係我.
如果孤獨最令人感到自己確實存在的話.
那我對自己的存在一定感受深刻.
明天應該要去買蛋糕,換定張wallpaper呢.

果然係ac系列反映出黎既惡夢級分件, 3粒幾鐘既成果...
只係得隻腳板!!

每個人既生活方式受天性影響都唔同,有人生活簡單,有人生活繁雜.
勉強去學別的生活方式只會有反效果,令自己唔開心,即係不能自我.
唔係果種人就點都唔係. 冇得去扮去學. 覺悟了.

好耐之前講過係日本訓街時日日朝都飲的紫色野菜汁
最近香港都有得賣了,不過變左大陸版都要10蚊支.唔多抵.

今日是今年的冬至,亦是左方我的同年紀表親大喜日子.
我表親是個很有愛心的人,也是基督教徒. 簡單而言.
即是受人愛戴疼惜的人啦. 這年代我的年紀便結婚已很好.
另一方面,即係以後有親戚飯局就會見多一個親戚.

不過有點那個的是,今日整天我一句也沒有跟兩位新人祝賀過,
說籍口講理由是: 一來見到兩人稍為空閒的機會不多,
二來我發覺搵唔到合適既位入sound bite. 走既時候,
我只能報以微妙的笑容講byebye.我覺得很不自在.

好像很久也沒有跟這位表親講過甚麼說話,
雖然上次親戚飯局是10月的事,但也沒幾句話.
回想起來,我同佢細個經常一齊玩.不過當時係小3之前.
之後搬左屋就少見好多.中學及返工之後就更甚.
佢MSN同手提no我都沒有記錄. 唔知幾時開始.
我覺得大堆親戚圍埋一齊既感覺好陌生,格格不入,無地自容似的.
其實我仲有好多細年紀既表親.不過我估佢地就快唔知我係邊個.
本來今日真的不想出現, 但義理上又冇辦法.

假如我有這樣的一天,我會怎樣? 到時再算吧,
結婚擺酒要好多人力物力,目前的狀況係連朋友都短缺.
即使有物力都未必有人力, 愈睇愈諗就愈向下沉.
我估應該10年內都沒機會兼沒需要去想這個問題.
都係果句,i need change.

getter~~CHANGE!!!!!

我需要一點改變,最近好像有點實現了少許. 挫折也許很快出現.
但不能再像以往那樣的反應了, 是因為聽到別人的經歷有啟發嗎?
另一方面,我應該對以往為自己字典下的定義重新修正吧.
改變是很艱辛,成敗也看getter CHANGE 是否成功了,

雖然成功率可能不高,但0.000001%也是有機會吧.

約10年前,這款遊戲係機舗出現,我又夠大個仔入得去玩.
當時玩得好投入,交左好多學費,主力對戰機體就係用依架.
因為火力強,裝甲厚, 最重要係射laser好型.係男人既浪漫.
不過10年前既模型技術好廢,塑膠模型好難出到依種複雜表面的機械人.
另一方面某模型廠原定出佢既細比例塑膠模型同figure又胎死腹中.
成為左我既一種可惜同遺憾.

10年之後,新作遊戲沒有了,取代的是角色模型化,
說白點即是用其他方式賣錢, 它竟然可成為省招牌的頭炮.
看到消息之後真是差d訓唔著覺. 等了又等幾個月.
今日香港又早過日本開賣,多得我地近阿爺屋企,
唯一感到自豪的時候. 一入模型店見到,
一個圈都唔行完就即pay拎走佢先.1/100的關係,
個盒真的好很大,砌起SET Laser mode一定好有逼力吧
好想重現當年太子某處見機喪膽(誇張化)的sdk05 raiden呢.

CTI超人不敵地獄撒旦幫的淫威,最後俾人踢走.都唔係最多人想知既新聞.
反而係同希希有得揮既擬似財子偷食同玉女派太祖擬似分手又結婚既新聞.

本來,我都對CTI超人打救絲帶台有點興趣,到底可唔可以玩鋪勁的.
可惜路邊社話阿爺唔likey.超人都要死. 都冇戲睇了.
差不多同一時間爆出既擬似財子偷食事件,
就完全符合香港人不理政情愛八卦既人情趣味心理.
其實我由細到大都唔睇yes,亦冇咩追星心態,雖則當年某人的宮殿裝look真是很強.
所以佢2個有咩野,都唔關我事. 不過果頭作到分手,依頭又話結婚.
有咩內情呢?冇人知.

或者可能真係好似某人講,要到失去至明白重要.係試練.
但另一方面,到底果位個名好難讀的人,又係唔係好似的書講敢佢錯晒?
到底一句「結構上出現了明顯的xx危機」又是否係人人都可以用呢?
開放些來講,誰是玩誰是認真,對於新世代來講,係重要過對象有幾多個吧?
雖然傳統價值不是壞,但又有幾多人仲係傳統又保守呢?
依d野都係當事人之間既價值判斷同遷就與妥協吧?
依個時代,不論男女,玩完喪完識回家做正常人已經好好了.