5月28日
我想很多事情,包括自己的未來,我對未來也許憧憬,亦顯得絕望.
因為我沒有實力去完成自己的憧憬.靠外力包括父母而來的種種去達成,
又覺得未必成功而心生有愧,另一方面又要受人冷語.
感覺就好似受人恩惠但要俾人傒落一樣. 我討厭靠關係吃飯.
有心無意也好,總會給人很多籍口攻擊自己, 即使親如家人.
我不喜歡隨便向人要求, 當別人拒絕,或者問點解的時候.
我總會彊住答不出理由. 答我「需要」再給出一堆解釋,
即使是真的必須也好,只是多餘的需要也好.
自己的要求/慾望本來就不關對方事. 幹麻要給你/為你達成?
幫你是仁慈,不幫是道理. 攪到自己好像抬不起頭.下不了台.
或許因為這種不快感覺，我對大多數人都有求必應，因為開口真的很難．
9年前我想過的沒說出來,如今說漏口風.好的壞的各聽一半. 算點?
故意的嗎? 說得那麼難聽, 想我受之有愧定真心話先？
我就知沒有take it grant. 所以更加唔想問／講出黎．
９年前既環境，我可以點？同佢講咩好？我揀左絕望入世．
３年前既決定，下了不知幾大決心先講出黎．
依家我既生活方式唔係純粹為左前途，而係唔想俾佢多個藉口．
我細個聽得最多的說話「敢唔滿意唔好做、冇強逼」點黎？
「我幫你，不過你好點點點者．」好像我逼佢的．
如果佢是話基於倫理責任的話．那我一定是學佢的．
基於倫理責任，我都唔想同佢衝突．佢要我做大多數野我都配合。
比起以前，我已經冇再講咩說話．佢又有冇發現到呢？
成日話我獨獨家，我就唔信我既獨獨家唔係部分變質師承於佢．
轉個角度睇，我同佢其實係相似的．我自私嗎？也許．
那些佢都沒提過的事，誰知呀？其實佢也有自私而不覺．
我們都自私地不將本來重要的部分表達出來．錯了就怨對方自私．
不考慮別人云云．大家都係硬膠．
我也不想跟自己過不去，我都沒幾多個十年了呀．但佢敢串一串我又被打沉者．
5月25日
或許,時代的革新總會伴隨疼痛,作業系統也不例外.
由以往的Windows 2.0 > 3.0 > 3.1, Windows 98 SE > ME > XP
到今日的 XP > Vista > 7. 兩代os中間的過渡版本總係受盡批評.
3.0的介面有頗大進步,但機能上仍有不足,到3.1先真正受落.
ME經常自爆又係不知所謂, Vista 又大食又慢,做得唔徹底.
不過,由於時代唔同,以前邊有敢多service pack同hotfix.
Vista 出左SP1之後明顯係改善左唔少, 係可用的.
但優化已經係極限. 有些根本問題不能解決.
如果我們眼光能遠一點,其實W7既出現係意料中事.
再下一代W8會點好難講,但w7既成熟一定會比w8好大壓力.
5月15日
似乎我對於用母語同人講野有點抗拒,原因不是它難用難聽難講.
而係因為佢係母語,一種我用得叫最「好」最「熟」的語言, 但就因此容錯機率偏低.
所謂的容錯機率,即是對方聽起來,會格外注意你點講. 用錯了一些字,換了一些語氣.
對方聽落就唔同感覺, 萬一自己用錯字用錯語氣,就冇得返轉頭.
講一些非母語,例如英文/日文/普通話,因為人地知道唔係你母語.
會不自覺去修正你的語意. 即是話,只要講,不怕錯,因為人地多少會諒解.
用廣東話講野,唔想講錯,唔想令人誤會,但又要考慮對方的狀態與思考.
理論上可以句句到尾. 不多廢話,但難免感覺機械化. 太直接又會令人不快.
於是要加好多修飾,好麻煩. 於是都唔想講敢多.
用非母語,反正又唔多識,講多幾句廢話冇壞. 講錯人家又不會怪你.
所以對比之下,某程度上講非母語既我會多野講過講廣東話.
又從另一角度睇,其實都係怕將真正既想法簡單直接表達出黎.
因為依種最原始既表達,係現代社會好難生存. 不是真誠的東西,
很不想講出口,即使真, 對方也不一定覺得你是真誠呀.
5月9日
最近試過幾次打打下hang左機,冇為意.
點知今次真係瀨野了…又死唔晒,想點呀你
X-Men Origins: Wolverine
睇開x-men,冇理由唔睇佢者,狼人依個角色真係幾受歡迎.以前睇過下漫畫版同tv版,
漫畫版正好多. 佢的經歷又真係幾慘.以戲論戲,依套片算都令人滿意.
電影版唔知係唔係因為要駁番同Jean Grey的微妙關係,以前個女朋友又係心靈系異變者.
所以係正傳度佢同Jean Grey又係好朋友又似鐘意佢. 可能因為就算失憶都有深層影子?
編劇都算係敢, 雖然都係一條公式,但加番幾個轉折位,等主角俾人玩多幾次,老點多幾次.
令人易的有共鳴狼人真係一個幾孤獨同悲哀既人. 而佢同大佬sabretooth的兄弟情仇都寫得ok.
路人犀利光眼同牌王冇咩大發揮, 下集正傳牌王唔知有冇份,犀利光上集都因為Jean暴走被神隱左.
最有趣的是last 二場有光頭教授出場,仲要係電腦執得好勁下扮後生果種,
最不明白是要加一場bonus係日本飲酒俾bar檯的日本妹撩, 為何呢? 關漫畫事?
工具 
說明
