時也命也, 頭2日曬到仆係度. 之後就落足敢多日陰雨天,景點又因為世博封晒攪工程.
好彩既係又黑唔晒, 化險為夷之餘, 都叫睇到幾秒生光同埋唔係傾盆大雨, 唔係街都唔洗出,
明年香港好似有日環蝕. 如果睇到就好了. 2035年的日全蝕要上北京.
到時我都50幾啦...人生有幾多個日全蝕呀...OTZ

另外,號稱最先進的上海市,即使硬件愈來愈似香港, 生活方式與香港仍然大不同.
去到一些舊區,同以前返大陸的感覺一樣. 進步只係一部分而已.
而生活方式又影響到人的處事與態度, 某程度上除非我們不進甚至倒退(依個係危機)
否則香港與上海不可能完全體齊. 沒有誰取代誰的問題.

我似乎明白點解的人會話香港人行路特別快、國內同胞比較慢.
因為地方太大, 行敢快好快就冇力, 慢慢行反而仲好. 依幾日完全體會.
香港真係一個好神奇既地方. 另外,都係時候惡補下的中國地理同普通話.

一個人係大陸,真係幾悶的, 網又BLOCK晒, 又慢, 又冇機舖.
唔係去食野購物飲酒溝女,根本冇野好做. 回家睇CCTV囉. 有部分節目都OK既.
不過真係唔習慣果D過分修飾既用字. 日日聽真係會變河蟹的. 我覺得.

去左5日,都映唔爆張4GB 卡同舊電, 500幾張左右. 等有心情再SORT.

今天沒甚麼特別,都已經來到旅程的尾聲.
選擇去了城隍廟走一趟,因為比較遲起床,
先在老西門附近隨便吃些東西. 據說是清真食店.
要了一個牛肉面,湯底清香,但感覺較多胡椒粉等的調味.
味道還可以, 只是牛肉少得可憐, 好像只是點綴而已.

吃過午飯便去城隍廟.中途經過豫園,
但最後還是決定不進去參觀. 只進城隍廟.
期間看到一位很誠心的老婆婆五體投地的樣子在拜謝.
附近有好幾位攝影朋友也有拍她. 不過有些走得頗近.
感覺好像不太尊重人家, 為了拍攝影響別人就不好啦.
離開時順道往大境閣看看, 天空又下起雨來. 很討厭.

在人民廣場轉大巴時,看到有人給白鴿撤米粒.
於是又停下來拍了一會,隨道試一下移動對焦的表現,
還好總算拍到幾張白鴿在飛的動態清晰相片.
說起來昨天也拍過一些在屋簷避雨的小麻雀.
要拍鳥類真的要用高規格裝備呢.

喝完剛好10時半,還有時間座公共交通回家, 打的很貴啦.
住在香港最好的是, 不論多晚也好,也有比打的便宜的通宵小巴可以座.
又是時候收拾行裝,準備明天座18:15的飛機回深圳,再轉車回香港.

今天一如意料之內, 密雲而且下雨.
早上起床,座巴士到人民廣場. 已經有不少人在等.
找個地方座下來, 來攪西弄的. 拍到太陽的機會近乎零.
不如拍動畫片段記錄天色吧. 於是架好拍動畫片的數碼相機.
就靜靜的等時間到來, 天色開始暗淡下來, 日全蝕就來了.
雨也在日全蝕開前不久下起來. 要打傘來替相機擋雨,很狼狽.
不知是否上天知道我遠道而來,日全蝕剛結束後的數十秒(生光階段),
竟然有一小部分雲層較薄露出少許太陽, 勉強可以看到太陽仍有大部分被月球遮蓋.
如此總好過甚麼也沒有吧, 因為時間太短連拿相機出來的時間不趕不及.
下一次中國境內的日全蝕在2034/35年才有, 到時我都50多歲了. 唉...

之後去到雲南南路吃午飯. 看書介紹有個很好吃的白斬雞.
正如該店的標語,「美好人生,雞不可失」,不試又怎可以呢.
要了半隻加多一碗雞粥. 那個醬汁非常好吃. 雞不算肥.
但肉質又不韌, 還有雞的味道. 真的不錯, 香港現在都是冰鮮雞.
要吃新鮮雞已經不易了.

.吃飽之後選擇去了上海城市規畫展覽館, 看看舊上海的歷史.
一路看, 見到匯豐銀行,永安,先施這些老字號, 江南製造局等,感覺很特別.
前面的都是在香港很有名的商號, 後者在中國近代歷史中的角色很重要.
雖然上海跟香港某些地方真的很相似. 因為歷史的問題, 大家都不一樣了.

今天去的地方不多,因為整天都在下雨, 真令人掃興.
少許題外話的是,經過了3天時間, 我沒有一張完整的上海街道圖.
只靠旅遊書的簡圖及酒店卡片,仍然沒有迷路,.晚上仍然可以走很遠路回家.
在香港是不何思議的事情, 也難怪香港多胖子了.也許我開始明白,
為何國內的人身體那麼好了, 天天都走那麼多路.加上天氣很熱,
多流汗, 除非是體質問題,否則年輕的人也不易發胖吧?
香港人都不多運動,香港地方又小, 離家座車也是很近的距離.
走10分鐘路的地方會大叫想死. 香港的生活環境真的與國內差異很大.
所以我們只可以繼續堅持一國兩制, 港人自主治港. 支持雙普選~(大誤)

昨日太累, 原來打算8點起床,結果賴到11點.
之後出門先在附近拍些照片. 再到浦東去陸家咀去
本來打算看看向東的岸邊有沒有地方可以看日蝕.
但所有向東的岸邊都在工程中全封了, 真是TMD.
給明珠塔拍了幾張照片, 去了正大廣場開飯.
吃飽後在廣場行了一會, 那裡很像香港的大型購物商場.
又有滿記,大家樂,吉野家, 味千拉面等食店.
如果沒有人說普通話,還以為自己在又一城、朗豪坊等地方.
樓上有一層有湯姆熊, 好像香港的冒險樂園.
有一邊有街機玩, 但沒有VIRTUAL-ON(多餘的期望)

之後去了浦東大道站那邊,又是沒有好地方.
再去上海火車站附近看一下. 拍個照
在廣場中間那個報時鐘休息了一會.
最後去了淮海中路,在旅遊書介紹的店吃晚飯.
期間逛了一家百貨公司,不論環境設計或是貨品的售價.
都與香港的沒甚麼大分別. 上海某些地方真像香港.

回家時開始下雨, 心裡已經預計明天的日蝕應不能直接看到了.
回到人民廣場站找了好久才發現回家的大巴, 四周找車站時.
還倒楣地被汽車經過路邊水窪的水濺得髒髒的.之後還自己踏到水窪...
為甚麼上海那麼先進, 路面還有那麼多不平整的地方呢.
回到家洗個澡打算上網.真是TMD, 網絡好像死了一般,
真有衝動想到隔壁的網吧上網. 這篇文章是在離線模式時寫的. 以後再補上來.

今晚的天氣報告說整個日全蝕帶多數地方明天都是多雲有雨.
恐怕最後要看 CCTV 的聯播了, 那我為甚麼要來上海啊!!
體驗一下那六分多的短暫黑夜嗎?  時也命也吧.

因為BOOKING問題, 差不多最後一刻先知詳細.
於是6:45落樓去座火車過落馬州,再轉去寶安機場.
搭內陸機去浦東, 過程還算順利.

之後座機場巴去靜安寺, 因為基本上成晚冇訓執野.
係車度都訓到呆呆地, 到步就落車啦. 曬到仆街.
行左5分鐘, 死啦,好似少左D野既?...... 漏左部LAPTOP!!
以為今次冇梗都得, 大陞依D地方, 執到就冇回頭架啦.

跑左200米回車站問人, 點知又敢好彩. 俾司機發現到.
畫隻烏龜就拿得返, 果然係直轄市之一, 真係文明左.
講到尾自己都未試過犯敢嚴重既錯..真係執番身彩啦....OTZ

之後又要打的去酒店, 先係攪唔掂的左軚車行方問題.
去到又因為我的屎爆既普通話攪左一陣.終於都CHECKIN完成.
因為太熱,衫都濕埋, 先沖個涼, HAE左一陣.
再諗住沿附近一路行去2號線附近. 中途見到唔少地道既老舊民居.
仲有果種令我諗起細個返鄉下既汽車廢氣味.
途中見到一隻對眼係一藍一淺啡色瞳孔的貓,可借冇映底...

一路行,理論上向東行就係外灘,但其實係好很遠的.
酒店係最"近"南京西路站,我行到過左去人民廣場果邊.
頂唔順座一個站去南京東路, 近外灘, 又行過.
整鬼佢出年上海世博依家要粉飾太平,成個外灘封晒大裝修. 離譜囉.
兩座和平飯店附近又好似就黎拆敢既樣.都唔知想點.
總之成個外灘就大煞風景. 原本向東最BEST既位置敢就冇左.
如是者睇日蝕好頭痕, 要去浦東再睇下點. 天呀!!!

繼續周圍行,行到8點都差不多,行返去南京路步行街,
是旦執左一間旅遊書介紹的店開餐, 叫左個紅燒排肉面,一碟蒽油本雞,
唔知係唔係幻覺,碟雞係冷盤, 第一啖食落去冇加汁. 好似好有雞味敢.
碗面都亦不錯, 盛惠人仔37蚊, 都OK既. 食完一路行條步行街.
見到有MM,又有的外省風味(?),又有表姐LOOK, 乜人都有.
另外,我留意到有人用大陸版的SHARP手機. 果D多數都係潮爆LOOK.
都係果句,入夜都36度, 好熱...但好在唔會好似HK敢成身都痴立立.
經過人民廣場對面的新世界, 樓上有層SEGA開的機舖.
打左個轉, 成層好大下,但冇野ARM玩, 車GAME音樂GAME槍GAME都有,
仲有果隻最初既TWINSTICK高達.但就係冇VON, 即閃.

今次係南京路西落車試下行返去..死啦,又玩自己,係可以L字敢行.
不過我係800幾號. 車站果頭係300號....又行死左..幾經辛苦終於RTB.

搭地鐵其實冇咩特別,張車飛係似八達通,非接觸式感應卡. 但出閘要插入閘.
似台灣膠幣地鐵吧. 我又係放工的超繁忙時間搭, 同係金鐘同一時間上車一樣者.
另外, 浦東機場同寶安機場令我以為自己係HK國際機場.的設計好鬼似.
論南京步行街一帶,真係同東京/HK依D發達城市比冇分別.
不過再行出少少. 仍然都係見到果種半現代化,唔上唔落的感覺.
係唔係依D就叫中國特色呢?

大個仔學返大陸, OK?
香港→寶安→浦東

隨住日食開始,我要變革啊!

因為想看數十年難得一次的日全食, 去日本種子島睇就冇可能了.
返大陸比較容易, 不過呢, 預算問題又要做申手黨.
於是乎機票酒店都係遲遲未CONFIRM到,
理論上我20號就要飛了,今天還未攪好機票.
沒有錢總是令人身不由己的...OTZ

半題外話, 今年有說話係水瓶座幾大變化的一年.
因為唔知乜星入乜宮同埋有日食發生云云.
唔通我真係會好似傻那一樣變革? 但某程度上,
依家既我已經有少少改變. 問題係要堅持者.

我有近視同散光, 最深3百零左右, 其實唔戴眼鏡都未至於變肓毛.
前面3至5米既野大致上都OK,只係遠少少有靚女行過會睇唔清.
依家果副眼鏡戴上去感覺比較老成. 唔戴就YOUNG 多少.
有少少想配過副, 但又唔想配CON, 原因無他, 懶.

-------------

眼鏡依種物件,俾人一種具智慧,清晰的印象.
近視的人本來看不清遠方的事物,戴左就看清了.
但看事物總會隔了一片玻璃. 有一種莫名的隔閡感.
好像不夠親切. 整個感覺就像智者般清楚目睹一切.
看得清便不容許出錯,  感覺很冷漠.又因為隔了一片玻璃,
好像把內心真正的感受都隔絕起來. 不形於色,不露於人前.

----------

其實我都唔想戴眼鏡, 或者我應該考慮一下部分場合應該除眼鏡.
或者會有意想不到的效果.

今日很無聊地細看自己對手. 特別係手指頭.
形狀且不提,  的指甲既形狀真係唔多滿意.
平時都係是旦剪短就算,但睇多兩睇就覺得好怪.
指甲與指頭的形狀不能互補不足, 勁冇美感.
原來的女仔走去攪幾粒鐘唔係冇理由的.
修一修係順眼的, 現在我終於明白了. 真的.

因為最近打算睇日食, 就順手睇下WIKI.
光速,科幻片經常聽到的用字,光年就係星球/星系之間的距離.

WIKI: 真空中的光速是每秒299,792,458米(準確值)，
所以一光年就等於 9,460,730,472,580,800米.
商業飛機，最多只有885公里/小時，飛1光年需1220330年。
光由太陽到達地球需時約八分鐘（即地球跟太陽的距離為八「光分」.
即使係太陽,都係8分鐘前的太陽, 目前人類在地上再快都只是去到音速,
光速移動暫時都係未成功. 如果人類在公元5000年仍然未滅亡,
有冇希望發展到可以用光速進出太陽系呢? 到時世界會係點呢?
想去火星玩,依家都要飛差不多一年時間, 如果有光速飛行的話.
可能仲快過我由屋企搭升降機落街?

一個簡單的比例. 人行路的移動速度與光不能相比.
連光都要花好多時間先去到的地方, 距離到底有多遠呢?
我們終其一生,到底可以走得多遠?足夠環繞地球?
某廣告話女性一生可以環繞地球2周. 其實又怎樣?
一個人在地球上何其渺小. 從宇宙的角度來看.
人類可能連細菌也不如. 但人類又從不覺得自己渺小.
人類出現已經有20萬年,而宇宙年齡大約有136-138億年.
地球大約有40億年歷史,相比之下人類幾敢年青,幾敢幼稚.

唔.

又發埋的神奇夢,今次係夢見自己死左, 入土為安.
訓係個箱內被人擺入地下.之後就過左一段時間,
感覺自己就好似睇MUMMY果的MUMMY敢.
變成沙土崩解一樣, 之後有半刻冇左果種肉體的束縛感.
正當我以為自己可以擺脫依種被世界束縛既感覺,
我就被拉回在床上訓覺的感覺. 對手係左手扣右手,
正正放係心口前.對腳屈起左三角形敢合埋.
仲FEEL到腳板底俾張蓆壓到痛痛地,有印果隻.

有人話夢係暗示相反的東西會發生,亦有人話係平日生活處理唔到的雜訊釋放出黎.
上次果個都仲勉強分析得到, 依次我就冇咩頭緒. 暗示我既日常生活有大轉變嗎?

我成日話死並不可怕,只係之前會有痛楚之類的感覺. 而又係難以估計.
也許死是活的終極, 也許是由生物不斷變化過渡至死物永恆不變的過程.
也許是另一個變化的開始,沒有人知道. 但逝去的人和事對仍活的人而言.
真的是變成了永恆不變. 最好的,最壞的, 都被凝固下來,不再改變.
有時覺得人經常追求永恆的東西真是非常愚昧. 永恆的生命是否有矛盾呢?

依D野就整左了, 但上唔上到大陸係問題.
最多都係冇日全食睇者,HK仲有偏食睇到...但又唔係好甘心.

走了遠路, 唔應該將裝左W7同VISTA DUAL BOOT的VISTA直接鬼過黎.
於是個BCD就傻左,攪了成個鐘, 最後將原種變番VISTA 原裝LOADER再鬼就正常...OTZ

命運是數奇的, 現在的我真是不知怎樣去形容. 不能說很錯,也不算一如多數人.
我有些經歷別人沒有, 也許有點近水流台. 要發圍應該是有機會的...
面前的是最重要, 要活在當下. 未來想太多也是沒用. 過去可以在訓唔著時回味.

生命的本質是流動的,變化的. 不固定的. 狀態不變的就不是生命.
我也不可能像以前一樣, 有點不同了. 是時候要真正起步去走.
朋友講得arm, 當自己時日無多, 要截稿要死就乜小宇宙都會爆發出黎.
既然做功課同做野都可以爆seed, 點解做人又唔爆seed呢?
應該做好自己的事. 其實某程度上又真的"時日無多"

之前睇電視訪問正生校長, 佢又講活在當下, 做好面前的事,克服面前的困難.
佢話同個仔講,如果唔係做依份工, 搵既$一定更多. hk地如果可以多幾個依d人已經唔同左.
信仰或者是發現生命意義的某一種途徑, 但如果一個人唔需要依靠信仰幫助.
靠自己都可以悟出答案或方向應該都幾美妙. 這3年來我未必學到謀生技能.
但一定係令我開始尋找自己,認識,觀察及感受依個世界.

就係貪個二刀流者…

昨日朝早訓覺時發夢. 夢中我揀擇左一個結束生命的過程
果個方式好特別, 好像一連串的手續.過幾關敢.
第一關訓係一個箱內再有野鋸開身體.第二關是掉入水裡面.
之後本來仲有幾關要過的,但過程中途中止了.

之後場景轉到一個山崖邊,上方的岩石伸出去形成一個屋簷的環境
果度似係我屋企. 外邊下著大雨, 雨水隨風飄入來.
因為沒有東西可以遮住 個人都被雨沾濕了. 我在埋怨.

再一轉,係一個似的士後座的環境. 有個唔識的孕婦. 我俾左件衫佢摟住.
之後佢話我依個行為要俾番$我, 佢話值5蚊美金.
我仲諗只係做好心者,點解要值5蚊美金呢? 之後仲切開左一的野.
好似燈籠的物體. 內部係有些像電線管的東東.

再轉, 又回到最初的場景. 因為過程中途中止左,再排過一次期去做.
今次仲見到老豆老母. 我睇到一的野,講左句「等我死左幾廿年都未去到火星啦.」
果一刻我諗到生命的本質是不斷變化, 明天是不斷在變.
當我完成左果個結束生命既過程. 我就不會再有明天. 永遠停止了.
講完果句野,我就忍唔住喊左出黎.

夢就發到依度, 之後有4分1夢醒,但夢內的情感未散, 摟住張披扯左幾秒.